Monday 13 June 2011

എക്സ്മെന്‍:ഫസ്റ്റ് ക്ലാസ്സ്‌ - Xmen :First Class

ജനിതക പരിണാമങ്ങളിലൂടെ   അത്ഭുത ശക്തികള്‍ക്ക്   ഉടമകളാകുന്ന മനുഷ്യരുടെ കഥകളാണ് ‌ മാര്‍വെല്‍ കോമിക്ക്സിന്‍റെ   എക്സ്മെന്‍ എന്ന കഥാശ്രേണി  . എക്സ്മെന്‍ കോമിക്ക്സ് അടിസ്ഥാനമാക്കി പുറത്തു വരുന്ന അഞ്ചാമത്തെ സിനിമയാണ് എക്സ്മെന്‍ :ഫസ്റ്റ് ക്ലാസ്.   മറ്റുള്ളവരുടെ മനസ്സ് വായിക്കാനും , നിയന്ത്രിക്കാനും കഴിവുള്ള പ്രൊഫസ്സര്‍ ചാള്‍സ് സേവിയര്‍ അഥവാ പ്രൊഫെസ്സര്‍ എക്സ് ,  തന്നെ പോലെ ജനിതക പരിണാമത്തിലൂടെ അത്ഭുതസിദ്ധികള്‍ സ്വന്തമായുള്ളവര്‍ക്ക് വേണ്ടി നടത്തുന്ന പ്രത്യേക സ്കൂളും , സാധാരണ മനുഷ്യരില്‍ നിന്നും അവര്‍ നേരിടുന്ന പ്രശ്നങ്ങളും ആയിരുന്നു ആദ്യ മൂന്ന് സിനിമകളിലെ വിഷയം . ഒപ്പം കാന്ത വലയങ്ങള്‍ ഇതു ലോഹത്തെയും നിയന്ത്രിക്കാന്‍ കഴിവുള്ള  എറിക്ക് ലെന്‍ഷയിര്‍  അഥവാ  മാഗ്നീറ്റോ എന്ന  മ്യൂട്ടന്റ്റ്  മനുഷ്യര്‍ക്ക്‌ എതിരെ നടത്തുന്ന യുദ്ദങ്ങളുടെയും.

എക്സ്മെന്‍ : ഫസ്റ്റ് ക്ലാസ് പറയുന്നത് ചാള്‍സ് സേവിയര്‍ (ജെയിംസ്‌ മക്കവോയ്) , എറിക്ക് ലെന്‍ഷിയര്‍ (മൈക്കിള്‍ ഫാസ്ബെന്‍ഡര്‍ ) എന്നിവരുടെ പരസ്പരം ബന്ധപ്പെട്ട്  കിടക്കുന്ന ഭൂതകാലങ്ങളാണ് . ഉറ്റ സുഹൃത്തുക്കളായിരുന്ന അവര്‍ എങ്ങനെ എതിര്‍ ചേരികളില്‍ എത്തപ്പെട്ടു , ചാള്‍സ് സേവിയര്‍ തന്‍റെ പ്രത്യക സിദ്ധികള്‍ ഉള്ളവര്‍ക്കയുള്ള സ്കൂളും , അത് വഴി എക്സ്മെന്‍ എന്ന സുപ്പര്‍ ഹീറോകളുടെ   സൈന്യവും  തുടങ്ങാനുള്ള കാരണങ്ങളും എല്ലാം  ഈ സിനിമയില്‍ വിശദമായി പറയുന്നുണ്ട് .

സ്റ്റാര്‍ ഡസ്റ്റ് , കിക്ക് ആസ് എന്നീ സിനിമകളുടെ സംവിധായകനായ മാത്യൂ വോണ്‍ ആണ് എക്സ്മെന്‍ :ഫസ്റ്റ് ക്ലാസ്സ്‌ സംവിധാനം ചെയ്തിരിക്കുന്നത് . ,മാത്യൂ വോണിന്‍റെ ശൈലി ,സങ്കീര്‍ണമായ മനുഷ്യ മനസുകളുടെ (വികാരങ്ങളുടെ) കഥകള്‍ പറയുകയാണ് എന്നത് എക്സ്മെന്‍ അടിവരയിട്ടുറപ്പിക്കുന്നു (സ്റ്റാര്‍ ഡസ്റ്റ് മുത്തശ്ശി കഥകളുടെ ഗണത്തില്‍ പെടുത്താവുന്ന വിഷയമാണെങ്കിലും). ഇരുണ്ട ഭാവങ്ങള്‍ ഉള്ള കഥാപാത്രങ്ങളും , സന്ദര്‍ഭങ്ങളും ഈ സിനിമയില്‍ ഏറെയാണ്‌ . ഈ സിനിമക്ക് അത്  ‌ ഏറെ  ഗുണകരമായി ഭാവിക്കുന്നു എന്നിടത്താണ് മാത്യൂ വോണിന്‍റെ വിജയം .

സാങ്കേതികതയുടെ കാര്യത്തിലാണെങ്കിലും , അവതരണത്തിന്‍റെ കാര്യത്തിലാണെങ്കിലും എക്സ്മെന്‍: ഫസ്റ്റ് ക്ലാസ് അതിന്റെ നാല് മുന്‍ഗാമികളെയും പിന്നിലാക്കുന്ന സിനിമയാണ് .എക്സ്മെന്‍ : ഫസ്റ്റ് ക്ലാസ്സ്‌ എന്ന ഈ ചിത്രത്തില്‍ ക്യാമറ (ജോണ്‍ മത്തിയേസണ്‍ ), സംഗീതം (ഹെന്റി ജാക്ക്മാന്‍ ),   വിഷ്വല്‍ ഡിസൈന്‍  (ജോണ്‍ ഡൈക്ക്സ്ട്ര) , കോസ്റ്റ്യൂമുകള്‍ ( സാമി ഷെല്‍ഡൻ- ഈ സിനിമയില്‍ വസ്ത്രാലങ്കാരം എന്ന് പറയാന്‍ സാധിക്കുമോ എന്ന് സംശയം ) എന്നിവയെല്ലാം ശരിക്കും ഫസ്റ്റ് ക്ലാസ് നിലവാരത്തിലുള്ളവയാണ് . ഒപ്പം ജെയിംസ്‌ മക്കവോയ് , മൈക്കിള്‍ ഫാസ്ബെന്‍ഡര്‍ എന്നിവരുടെ ഉഗ്രന്‍ അഭിനയവും കൂടിയാകുമ്പോള്‍, ഈ സിനിമ ശരിക്കും ഓര്‍മ്മകളില്‍ സൂക്ഷിക്കാവുന്ന ദൃശ്യാനുഭവം ആകുന്നു. സാങ്കല്‍പ്പികമായ ഈ കഥ നടക്കുന്നത് ആയിരത്തി തൊള്ളായിരത്തി അറുപത്തിരണ്ടില്‍ റഷ്യയും  , അമേരിക്കയെയും  തമിലുള്ള ആണവ യുദ്ദത്തിന്‍റെ   വക്കോളം കൊണ്ടെത്തിച്ച, ചരിത്രം ക്യൂബന്‍ മിസൈല്‍ ക്രൈസിസ്സ്    എന്ന് വിശേഷിപ്പിക്കുന്ന സംഭവത്തിന്‍റെ പശ്ചാത്തലത്തിലാണ് എന്നത് ചിത്രത്തെ കൂടുതല്‍  ആസ്വാധ്യകരമാക്കുന്നു.

അഭിനയത്തില്‍ ജെയിംസ്‌ മക്കാവോയിയും , മൈക്കിള്‍ ഫാസ്ബെന്‍ഡര്‍ എന്നിവര്‍ മറ്റുള്ളവരെ ബഹുദൂരം പിന്നിലാക്കുന്നു. എങ്കിലും ചാള്‍സിന്‍റെ ദത്ത് സഹോദരിയായി അവതരിപ്പിക്കപ്പെടുന്ന റേവന്‍  എന്ന മിസ്‌റ്റീക്കായി  ജെന്നിഫര്‍ ലോറന്‍സ് , ബീസ്റ്റ്  എന്ന ഡോ:ഹാന്‍ക് മക്കോയി ആയി നികോളാസ് ഹൌള്‍റ്റ്  എന്നിവരും അവരവരുടെ കഥാപാത്രങ്ങളെ കാണികളുടെ മനസ്സില്‍ സിനിമ തീര്‍ന്നതിനു ശേഷവും അവശേഷിപ്പിക്കുന്നതില്‍ പൂര്‍ണ്ണമായും വിജയിച്ചിട്ടുണ്ട് . പ്രതിനായക കഥാപാത്രങ്ങളില്‍  സെബാസ്റ്റിയന്‍ ഷോ എന്ന ക്രൂരനായ വില്ലനായി കെവിന്‍ ബാക്കണ്‍ ശരിക്കും സ്റ്റൈലിഷ് ആണ് . ഷോയുടെ സഹായിയായ എമ്മാ ഫ്രോസ്റ്റ് ആയി ജനുവരി ജോണ്‍സ് പഴയ ബോണ്ട്‌ ചിത്രങ്ങളിലെ പ്രതി നായികമാരെ ഓര്‍മിപ്പിക്കുന്ന തരത്തിലെ  ആകര്‍ഷണീയത സ്ക്രീനില്‍ നിറയ്ക്കുന്നു.

ആഷ്ലീ മില്ലര്‍ , സാക് സ്റ്റെന്‍സ് , ജെയിന്‍ ഗോള്‍ഡ്‌മാന്‍ എന്നിവരോടൊപ്പം മാത്യൂ വോണ്‍ കൂടി ചേര്‍ന്ന് രചിച്ച തിരക്കഥ,ഈ ചിത്രത്തിന്‍റെ നട്ടെല്ലാണ്. കണ്ടിരിക്കുന്ന ഓരോ നിമിഷവും , ഈ സിനിമയുടെ ഇരുണ്ടതും, ഒപ്പം രസകരവുമായ ഊര്‍ജം കാണികള്‍ക്ക് അനുഭവപ്പെടുന്നത് തിരക്കഥയുടെ കരുത്തു കൊണ്ട് തന്നെയാണ് എന്നാണു എനിക്ക് തോന്നുന്നത്. ഒരുപാട് ഉപകഥകള്‍  ഒരു കഥക്കുള്ളില്‍ , വിവിധ തലങ്ങളില്‍ പറഞ്ഞു പോകുമ്പോഴും , പ്രധാന കഥയുമായി അവയെല്ലാം ഭംഗിയായി ഇഴ ചേര്‍ത്തുള്ള ഒരു തിരക്കഥ  , ഒപ്പം മാത്യൂ വോണിന്‍റെ സംവിധാനം കൂടി ചേരുമ്പോള്‍ എക്സ്മെന്‍ :ഫസ്റ്റ്ക്ലാസ് അതിമനോഹരമാകുന്നു .എക്സ്മെന്‍ സിനിമകള്‍ കൃത്യമായി കണ്ട് ഓര്‍മയില്‍ വെയ്ക്കുന്നവര്‍ക്ക് കഥയുടെ ഗതിയില്‍  ചില്ലറ പൊരുത്തക്കേടുകള്‍ തോന്നുമെങ്കിലും , അവര്‍ക്ക് പോലും ഈ ചിത്രം ഏറെ ഇഷ്ടമാകും എന്നാണ് എനിക്ക് തോന്നുനത്. കാരണം അവര്‍ക്ക് ഇഷ്ടമുള്ള കഥാപാത്രങ്ങളുടെ മനസിക വ്യാപാരങ്ങള്‍ ,അവര്‍ അറിയുന്ന സുപ്പര്‍ ഹീറോകളും , സുപ്പര്‍ വില്ലന്മാരുമായി വികസിച്ച വഴികളുടെ വ്യക്തവും, മനോഹരവുമായ ഒരു അവതരണം മാത്യൂ വോണ്‍ എക്സ്മെന്‍ : ഫസ്റ്റ് ക്ലാസ് എന്ന ചിത്രത്തിലൂടെ സാധ്യമാക്കുന്നുണ്ട് .

ചുരുക്കത്തില്‍ , വെറുമൊരു സുപ്പര്‍ ഹീറോ സിനിമ എന്നതിലുപരി , മനോഹരമായ ദൃശ്യാനുഭവം കാണികള്‍ക്ക് സമ്മാനിക്കുന്ന നല്ലൊരു സിനിമയാണ് എക്സ്മെന്‍ :ഫസ്റ്റ് ക്ലാസ്സ്‌

ഓഫ്‌ ടോപ്പിക്ക്  : ബദ്രിനാഥ് എന്ന അല്ലു അര്‍ജ്ജുന്‍ ചിത്രം ആദ്യ ദിവസം തന്നെ കാണാനുള്ള ദുര്‍ഭാഗ്യം ഉണ്ടായി. റിവ്യൂ പോസ്റ്റ്‌ ചെയ്യണം എന്ന് ഉണ്ട്.പക്ഷേ ആ സിനിമയെക്കുറിച്ച് ഒരു വരി ടൈപ്പ് ചെയ്യാനുള്ള കഷ്ട്ടപ്പാട്  എനിക്കും എന്‍റെ കര്‍ത്താവിനും  മാത്രം അറിയാം  :) :)

6 comments:

  1. It seems a translation of Anupama Chopra's review in Indiatimes/ndtv not any contribution from writers part. Did u see the movie?

    ReplyDelete
  2. This comment has been removed by the author.

    ReplyDelete
  3. I think yours was quite an elaborate one than Anupama Chopra's.I felt that it was quite good!....

    ReplyDelete
  4. ee padam innaanu kandathu. Priya paranjathu shariyaanu , X men seriesil ithuvare irangiya sinimakalil ettavum mikachathu ennu thanne ithine parayaam . Michel Fessbender Magneto aayi kalakkiyittundu

    ReplyDelete
  5. മികച്ച ഒരു ചിത്രം .വോണിന്റെ ഇത് പോലത്തെ ഒരു മികച്ച ചിത്രമാണ്‌ layer cake .മാനസിക വ്യാപാരങ്ങള്‍ ചിത്രീകരിക്കുന്നതുനുള്ള
    സംവിധായകന്റെ കഴിവ് ഈ ചിത്രത്തിലും കാണാം .ഇതിനു മുമ്പ് ഇറങ്ങിയ x -men origins wolverine ആ സീരീസ്‌-ഇലെ ഏറ്റവും മോശം ചിത്രം ആയിരുന്നു

    ReplyDelete