ബാല്‍ക്കണി 40 എന്ന ബ്ലോഗില്‍ പ്രേക്ഷകന്‍ എഴുതിയ നിരൂപണം വായിച്ചതു കൊണ്ട് മാത്രമാണ് മുറന് എന്ന തമിഴ് സിനിമ കാണണം എന്ന് ഞാന്‍ തീരുമാനിച്ചത് . സഹസ്രം , പയനം, യുദ്ധം സെയ് , ഈ മൂന്ന് സിനിമകളും ഞാന്‍ ഡി വി ഡിയില്‍ എങ്കിലും കാണുന്നത് പ്രേക്ഷന്റെ നിരൂപണങ്ങള്‍ വായിച്ചത് കൊണ്ട് മാത്രമാണ് . അത് കൊണ്ട് കൂടിയാണ് മുറന് പോയി ഭാഗ്യം പരീക്ഷിക്കാം എന്ന സാഹസിക തീരുമാനത്തില്‍ ഞാന്‍ എത്തിയത് . സാഹസികം എന്ന് ചുമ്മാ പറഞ്ഞതല്ല .സൂര്യ, വിക്രം ,കമലഹാസന്‍ ഇവരുടെ ഒന്നും ഗ്ലാമര്‍ ഇല്ലാത്ത ചേരന് അഭിനയിക്കുന്ന തമിഴ് സിനിമ കാണാന്‍ ഞാന്‍ കൂട്ടിന് കൊണ്ട് പോകുന്നത് , അവര്‍ക്ക് പടം ഇഷ്ടപ്പെട്ടിലെങ്കില്‍ പുറത്തിറങ്ങിയാല്‍ ഉടന്‍ ഇനി നിന്നെ നാല് പറഞ്ഞിട്ട് നമുക്ക് ബാസ്കിന്‍ റോബിന്സില്‍ പോകാം മോളെ എന്ന് വാശി പിടിക്കുന്ന രണ്ട് നല്ല ഒന്നാന്തരം കുരിശുകളെയാണേ. എന്റെ ജീവനും , ആരോഗ്യത്തിനും ഭീഷണി ആയേക്കാവുന്ന ഇടപാടാണ് .അപ്പോള്‍ പിന്നെ അത് സാഹസം തന്നെ അല്ലെ ?
അടി കിട്ടും മുന്‍പേ കുറ്റം ഏറ്റുപറഞ്ഞ് മാപ്പ് ചോദിക്കുക എന്ന സ്ട്രാറ്റജിയുടെ ഭാഗമായി ജാസ്മിക്കും ശ്രുതിക്കും ഓരോ ഫലൂദ എക്സ്ട്രാ വാങ്ങി കൊടുത്താണ് തിയറ്ററിലേക്ക് കേറിയത്‌. പക്ഷെ സിനിമ തുടങ്ങി കുറച്ചു നേരം കഴിഞ്ഞപ്പോള്‍ ഞാന്‍ എന്റെ രണ്ടു സൈഡിലുമായി ഇരുന്ന അവരെ മറന്നു. രസമുള്ള ഒരു റോഡ്‌ മൂവി പോലെ തുടങ്ങി ഇന്റര്‍വെല്‍ ആകുമ്പോഴേക്കും ഒരു ത്രില്ലര്‍ ആയി മാറുന്ന കഥ. പട്രീഷിയ ഹൈസ്മിത്തിന്റെ സ്ട്രെയ്ഞ്ചേര്‍സ് ഓണ്‍ എ ട്രെയിന്‍ എന്ന നോവല്‍ ആല്‍ഫ്രെഡ് ഹിച്ച്കോക്ക് അതെ പേരില്‍ തന്നെ സിനിമയാക്കിയപ്പോള്‍ ക്ലൈമാക്സ് ഉത്പാടെ പല കാര്യങ്ങളും നോവലില്‍ നിന്നും വ്യതസ്തമായിട്ടാണ് ചെയ്തത് . അത് പോലെ തന്നെ , സ്ട്രെയ്ഞ്ചേര്‍സ് ഓണ്‍ എ ട്രെയിന്‍ എന്ന സിനിമയുടെ ബേസിക്ക് സ്റ്റോറിലൈന്‍ എടുത്ത് മുറന് എന്ന തമിഴ് സിനിമയാക്കിയപ്പോള്‍ സംവിധായകനും ,കഥാ/തിരക്കഥകൃത്തുമായ രാജന്‍ മാധവും ഒരുപാട് മാറ്റങ്ങള്‍ വരുത്തിയിട്ടുണ്ട് . ആ മാറ്റങ്ങള്‍ സിനിമയെ നല്ല രീതിയില്‍ തന്നെ സ്വാധീനിച്ചിട്ടുമുണ്ട് എന്ന് എനിക്ക് തോന്നുന്നു .
സിനിമയില്‍ ആദ്യമായി സംഗീത സംവിധാനം ചെയ്യാന്‍ അവസരം ലഭിക്കുന്ന തികച്ചും സാധാരണക്കാരനായ ഒരു സംഗീത സംവിധായകനാണ് നന്ദ (ചേരന്) .ശരിക്കും ഒരു പാവത്താന്‍ . അതെ സമയം പണക്കാരനായ അച്ഛന്റെ മകനായ അര്‍ജുന്‍ (പ്രസന്ന) ലീവ് ലൈഫ് ഡെയ്ഞ്ചറസ്ലീ എന്ന സ്വഭാവം ഉള്ളയാലും. രണ്ടു പേര്‍ക്കും അവരവരുടെ ജീവിതങ്ങളില്‍ ഒഴിവാക്കാനാവാത്ത , അവരെ വല്ലാതെ അലട്ടുന്ന പ്രശ്നങ്ങള്‍ ഉള്ളവര്‍. ഒരു യാത്രക്കിടയില്‍ അവര്‍ തമ്മില്‍ കണ്ടു മുട്ടുന്നു. ആ യാത്രയില്‍ അവര്‍ തമ്മില്‍ ഒരു സൗഹൃദം വളരുന്നു. സ്വന്തം ജീവിതത്തിലെ പ്രശ്നങ്ങള്‍ക്ക് കൊലപാതകങ്ങളിലൂടെ പരിഹാരം കാണാം എന്ന ആശയം അവരില്‍ ഒരാള്‍ മുന്നോട്ടു വെയ്ക്കുന്നു . പ്ലാന്‍ അനുസരിച്ചുള്ള രണ്ടു കൊലപാതകങ്ങളില്‍ ഒന്ന് നടക്കുന്നതോടെ സിനിമ ലൈറ്റ് മൊമെന്റ്സ് ഉള്ള റോഡ്‌ മൂവിയില്‍ നിന്നും നല്ല സ്പീഡ് ഉള്ള ഒരു ത്രില്ലര്‍ ആയി മാറുന്നു.
ഇനി പതിവ് പോലെ സിനിമ എനിക്ക് ഇഷ്ടപ്പെട്ടത്തിന്റെ പ്രധാന കാരണങ്ങള്‍ :
- മുറനില്‍ എനിക്ക് ഏറ്റവും ഇഷ്ടപ്പെട്ടത് കഥ പറഞ്ഞിരിക്കുന്ന രീതിയാണ് . ഒരു സീന്‍ പോലും ബോറടിപ്പിക്കാതെ , അവസാനം വരെ കണ്ടിരുക്കുന്നവരില്‍ ഇനിയെന്ത് സംഭവിക്കും എന്നൊരു ആകാംഷ ഉണ്ടാക്കാന്‍ സംവിധായകന്‍ രാജന്‍ മാധാവിന് കഴിഞ്ഞിട്ടുണ്ട് എന്ന് എനിക്ക് തോന്നുന്നു. സിനിമ കണ്ടു കൊണ്ടിരിക്കുമ്പോള്‍ നമ്മളെ ചിന്തിപ്പിക്കുകയും , തീരുമ്പോഴേക്കും നമ്മുടെ മനസ്സിലെ ചോദ്യങ്ങള്‍ക്കെല്ലാം വ്യക്തമായ ഉത്തരങ്ങള്‍ നല്‍കുകയും ചെയുന്ന ഒരു നല്ല ഉഗ്രന്‍ ത്രില്ലര്‍ .
- സിനിമയിലെ ഡ്രൈ ഹ്യൂമര്‍ . നന്ദ പേടിപ്പെടുത്തുന്ന സ്വപ്നം കണ്ട് ഞെട്ടി ഉണരുന്ന സീനില്‍ റീകോര്‍ഡിങ്ങ് സ്റ്റുഡിയോയിലെ ജോലിക്കാരന്റെ റിയാക്ഷന്‍ , പ്ലാന്‍ വിവരിക്കുന്ന സീനില്‍ പോലീസ് കമ്മീഷ്ണറെക്കുറിച്ച് പറയുന്ന ഡയലോഗ് , ഇതൊക്കെ ഡ്രൈ ഹ്യൂമറിന് ചില ഉദാഹരണങ്ങളാണ്
- കഥയില്‍ ട്വിസ്റ്റ്‌ വരുന്ന സീനുകള്‍ . അര്‍ജ്ജുന്‍ പോലീസ് ഉദ്യോഗസ്ഥന്റെ വീട്ടില്‍ പോകുന്ന സീന്‍ , അതിന്റെ തുടര്‍ച്ചയായി പിറ്റേന്ന് നന്ദ ടീവിയില്‍ ന്യൂസ് കാണുന്ന സീന്‍ , നന്ദ ദേവരാജിനെ(ജയപ്രകാശ് ) ക്ലബ്ബില്‍ വെച്ച് കാണുന്ന സീന്‍ ,ലിണ്ട (സുമ ഭട്ടാചാര്യ ) എന്ന കഥാപാത്രത്തിന്റെ കഥ പറയുന്ന സീനുകള്‍ , ക്ലൈമാക്സ് എന്നിവ ഉദാഹരണം
- നന്ദ , അര്‍ജുന്‍ എന്നീ കഥാപാത്രങ്ങളെ അവതരിപ്പിച്ച ചേരനും , പ്രസന്നയും . അഭിനയത്തിന്റെ കാര്യത്തില്‍ എനിക്ക് പ്രസന്നയെയാണ് കുറച്ച് കൂടുതല്‍ ഇഷ്ടപ്പെട്ടത് .പക്ഷെ ചേരനും നന്നായിട്ടുണ്ട്. ഇവര്‍ തമ്മിലെ നല്ല കെമസ്ട്രിയാണ് സിനിമയെ കൂടുതല്‍ ത്രില്ലിംഗ് ആക്കിയത് .
ഇഷ്ടപ്പെടത്തതായി ഈ സിനിമയില്‍ അങ്ങനെയൊന്നും എനിക്ക് തോന്നിയില്ല. അകെ തോന്നിയ ഒരു കാര്യം, നന്ദ , അര്‍ജുന്‍ എന്നിവരുടെ ഫ്ലാഷ്ബാക്ക് രണ്ടു പാട്ടുകള്‍ ആക്കാതെ ഒരൊറ്റ പാട്ടില്‍ ഒതുക്കിയെങ്കില്‍ കൂടുതല്‍ നന്നായേനെ എന്ന് മാത്രമാണ്.
എന്തായാലും സിനിമ കഴിഞ്ഞിറങ്ങിയപ്പോള്‍ ജാസ്മി പറഞ്ഞത് നീ പിടിച്ചു വലിച്ചോണ്ട് വന്നില്ലായിരുന്നെങ്കില്‍ ഈ സിനിമ ഞാന്‍ ജന്മത് കാണലുണ്ടാവില്ലായിരുന്നു .കണ്ടില്ലെങ്കില്‍ അത് ശരിക്കും ഒരു മിസ്സും ആയേനെ എന്നാണ്. ശ്രുതിയും അത് തലകുലുക്കി സമ്മതിച്ചപ്പോള്‍ എന്നെ പോലെ വളരെ ഡിഫ്റെന്റ് ആയി ചിന്തിക്കുന്ന ഒരു ഫ്രണ്ട് സത്യത്തില്‍ നിങ്ങളുടെ ഭാഗ്യമാണ് അല്ലെ ? എന്നൊരു ചോദ്യം മുഖത്ത് ഫിറ്റ് ചെയ്ത് ഞാന്‍ ഇതിലൊക്കെ എന്തിരിക്കുന്നു എന്ന മട്ടില്‍ ചുമ്മാ ഷ്രഗ് ചെയ്തു . ഇനി അടുത്ത സിനിമക്ക് ഇവളന്മാരെ കൊണ്ട് പോയി അതിന്റെ ആഫ്ടര്‍ ഇഫെക്ക്റ്റ് വരുന്നത് വരെ ഞങ്ങളുടെ ഗ്യാങ്ങിലെ എന്റെ ബുദ്ധിജീവി പട്ടം എന്തായാലും സേഫ്. പിന്നെ ഈ നല്ല സിനിമയുടെ പേരും പറഞ്ഞ് അവളന്മാരെ വലിയ ബഹളം ഒന്നും കൂടാതെ മിനിമം അടുത്ത രണ്ടു സിനിമക്കെങ്കിലും ധൈര്യമായി കൂട്ടിന് വിളിക്കാം. ഈ ബുദ്ധിയൊക്കെ തലയില്‍ കൊണ്ട് നടക്കുന്ന എന്നെ സമ്മതിക്കണം , അല്ലെ?
if u really want to c the thriller , try these TV series 'Prison Break', '24' ,'Dexter'.
ReplyDeleteപ്രസന്ന വില്ലന്‍ വേഷങ്ങള്‍ കലക്കും
ReplyDeleteചേരന് ഒരു അവശ കാമുകന്‍ ടൈപ്പേ ചേരു ഏതായാലും സത്യന്‍ ലാല്‍ നിരാശപ്പെടുത്തിയ സ്ഥിതിക്ക് ഇത് കണ്ടേക്കാം നായിക ഇല്ലേ ?
hmm...want to c this movie....will have to wait for dvd....
ReplyDeleteഇങ്ങനെ ഒരു സിനിമയെ പറ്റി കേട്ടത് തന്നെ ഇപ്പോഴാ. നോക്കട്ടെ. കാണാന്‍ വല്ല വകുപ്പും ഉണ്ടോ എന്ന്.
ReplyDeleteA good review and thanks
ReplyDeleteഫാലുഡ വാങ്ങി സിനിമ കാണിക്കുന്ന ഫ്രണ്ട് എനിക്ക് ഇല്ലാതെ പോയല്ലോ
ReplyDeleteനല്ല സ്പീടുള്ള ത്രില്ലെര്‍ പടം .ആകെ ഒരു കുറവ് പ്രസന്നയുടെ നായികയായിട്ടുള്ള
ReplyDeleteപെണ്‍കുട്ടി അത്ര പോര
@ ചെലക്കാണ്ട് പോടാ , pakshe ninak falooda vaangi tharunna frind aakaalo ?? :)
ReplyDeleteഇതിന്‍റെ സംവിധായകന്‍ നമ്മുടെ സംഗീത സംവിധായകന്‍ രവീന്ദ്രന്‍ മാഷുടെ മകന്‍ ആണ്
ReplyDelete